Նախկին դեսպանի նկարները կցուցադրվեն նաեվ Գյումրիում

Հայաստանում «Գերմանիայի շաբաթներ–2009» ծրագրի շրջանակներում, որը կազմակերպվում է Հայաստանում Գերմանիայի Դաշնային Հանրապետության դեսպանության կողմից՝ ՀՀ Մշակույթի նախարարության աջակցությամբ, 2009թ. հոկտեմբերի 24-ից մինչև նոյեմբերի 8-ը Գյումրու Մ. և Ե. Ասլամազյան քույրերի պատկերասրահում կներկայացվի Հայաստանում Գերմանիայի նախկին դեսպան Հանս-Վուլֆ Բարթելսի «Հայաստանյան տպավորություններ» խորագրով լուսանկարների ցուցահանդեսը։

Հայաստանում Գերմանիայի դեսպանության հաղորդմամբ, այս լուսանկարներն արվել են Հայաստանի մեծ բարեկամի հայաստանյան բազմաթիվ ուղևորությունների ընթացքում։ Ցուցահանդեսի բացումը, որին ներկա կլինի նաև լուսանկարիչը, տեղի կունենա հոկտեմբերի 24-ին, ժամը 16։00-ին։

Այս ցուցահանդեսը հունիսին ցուցադրվել է նաև Ազգային Ժողովի շենքում, իսկ ուսումնական տարվա սկզբին՝ Երևանի թիվ 56 դպրոցում։