Ռուսաստանում գրանցվել են խոզի գրիպի հետեվանքով մահվան առաջին դեպքերը

Ռուսաստանում գրանցվել են խոզի գրիպի հետևանքով մահվան առաջին երկու դեպքերը: Այս մասին «Ինտերֆաքսին» հայտնել է Ռուսաստանի գլխավոր պետական համաճարակաբան Գենադի Օնիշենկոն:

Նրա խոսքով, Չիտայում 29 և 50 տարեկան երկու կին են մահացել: «Երկուսի մոտ էլ ախտորոշվել է A/H1N1, երկուսն էլ թոքաբորբով հիվանդ են եղել»,-ասել է Օնիշենկոն: Նա նաև հայտնել է, որ կանանցից մեկը հղի է եղել, պտղին չի հաջողվել փրկել: