160 դպրոց փակվել է Ա գրիպի պատճառով

Մերձբայկալյան շրջանում Ա գրիպի արագ տարածման պատճառով փակվել է 160 դպրոց ու 18 մանկապարտեզ: Մյուս մանկապարտեզների որոշ խմբերում կարանտին է հայտարարված: Ներկայումս տարածաշրջանում խոզի գրիպով հիվանդների թիվը հասել է 251-ի, մեկ օրվա ընթացքում հիվանդների թիվը աճել է 16-ով: Հիվանդությունն հայտնաբերվել է նաև 4 հղի կանանց մոտ:

Ինչպես հիշեցնում են ռուսական լրատվամիջոցները, հոկտեմբերի 27-ին տարածաշրջանում գրանցվել է երկու կնոջ մահվան դեպք, ում մոտ հաստատվել էր A/H1N1 վարակը: Նրանցից մեկը եղել է հղիության վերջին փուլում, երեխային հնարավոր չի եղել փրկել: Մյուս կինը մահացել է սուր շնչառական վարակի բարդ տեսակից: Բոլոր կանանց մոտ բժշկական եզրակացությունը նշվել է դիահերձումից հետո, սակայն, դեռևս համարվում է նախնական: