Ֆինանսների նախարար. մինչեվ այս տարվա վերջ Հայաստանում բարձր գնաճ չի գրանցվի

Հայաստանում գնաճը շատ ցածր է և ամբողջությամբ տեղավորվում է պետական բյուջեով նպատակադրված ցուցանիշների մեջ: Այս մասին այսօրվա ասուլիսում հայտարարեց ֆինանսների նախարար Տիգրան Դավթյանը:

Նա հիշեցրեց, որ այս տարվա առաջին ութ ամիսների ընթացքում, նախորդ տարվա նույն ժամանակահատվածի համեմատ, գնաճը կազմել է 2 տոկոս: Նախարարը վստահեցրեց, որ մինչև այս տարվա վերջ բարձր գնաճ չի գրանցվի:

«Հայաստանում գնաճային ֆոնի բարձր ռիսկեր չկան», -նշեց Դավթյանը:

2010-ի ցուցանիշների մասին խոսելիս, նախարար Դավթյանը հայտնեց, որ դեֆլյատորը կկազմի 2 տոկոս, իսկ գնաճը կլինի 3-4 տոկոսի մակարդակում: