Ս. Սարգսյանն ընդունել է ԱՊՀ Միջպետական ավիացիոն կոմիտեի նախագահին

Նախագահ Սերժ Սարգսյանն այսօր ընդունել է ԱՊՀ Միջպետական ավիացիոն կոմիտեի նախագահ Տատյանա Անոդինային:

Նախագահի մամլո գրասենյակի հաղորդմամբ, Հանրապետության Նախագահը դրական է գնահատել Կոմիտեի գոյության 18 տարիների ընթացքում ծավալված գործակցության փորձը և ընդգծել, որ Հայաստանը պատրաստ է շարունակել և ընդլայնել մեր երկրի ավիացիոն անվտանգության ամրապնդմանն ուղղված համագործակցությունը:

Սերժ Սարգսյանը նշել է, որ ավիացիան Հայաստանի համար ունի առանձնահատուկ նշանակություն, ուստի ոլորտի զարգացման և ավիացիոն անվտանգության խնդիրները մշտական ուշադրության կենտրոնում են:

Տատյանա Անոդինան Սերժ Սարգսյանին ներկայացրել է Միջպետական ավիացիոն կոմիտեի կողմից տարբեր ուղղություններով կատարվող աշխատանքներն ու ընթացիկ ծրագրերը: