Ռուսաստանում խոզի գրիպի զոհերի թիվը հասել է 10-ի

Ռուսաստանում խոզի գրիպի հետևանքով մահացածների թիվը հասել է 10-ի: Ռուսական լրատվամիջոցների հաղորդմամբ` նրանք 20-53 տարեկան անձինք են: Դեպքերից ութն արձանագրվել է Մերձբայկալյան շրջանում, մեկը` Մոսկվայում, մեկը` Կրասնոյարսկի շրջանում: Մահացածներից մեկը հղի է եղել, երեխայի կյանքը փրկել չի հաջողվել:

Հիվանդությունն առավել տարածված է հիշյալ երեք շրջաններում, ինչպես նաև` Խաբարովսկում, Սախալինում և մերձծովյան շրջաններում:

Հայտնի է, որ մահացածների մեծ մասը բժշկի են դիմել հիվանդանալուց 3-5 օր անց, երբ վիճակը բավականին բարդացած է եղել: