Բելառուսում հարազատներին արգելել են այցելել ստացիոնար բուժում ստացող հիվանդներին

Բելառուսում սուր շնչառական հիվանդությունների ու գրիպի աճի պատճառով Մինսկի որոշ հիվանդանոցներում հարազատներին արգելել են այցելել ստացիոնար բուժում ստացող հիվանդներին:


Ինչպես հայտնել են Մինսկի հիգիենայի ու համաճարակաբանության քաղաքային կենտրոնից, հիվանդանոցում ստացիոնար բուժում են ստանում այն հիվանդները, ովքեր գրիպի կամ սուր շնչառական հիվանդության վարակի ռիսկի խմբում են գտնվում:


Նոյեմբերի 1-ի տվյալներով` երկրում հայտնաբերվել է Ա գրիպով վարակվածների 59 դեպք, մահացու ելքեր դեռևս չեն գրանցվել: Նոյեմբերի 2-ին առողջապահության նախարարությունը, սուր շնչառական վարակներով հիվանդանալու մեծ ռիսկի պատճառով, մի շարք քաղաքներում երկարացրել է դպրոցների աշնանային արձակուրդը

Բուլղարիայում էլ H1N1-ի համաճարակ է հայտարարված:
Այս երկրում ավելի քան 100 հազար մարդ հիվանդացել է նոր գրիպով:

Այս առիթով իշխանությունները համաճարակ են հայտարարել` հաշվի առնելով, որ վարակը տարածվել է երկրի արդեն 7 քաղաքներով:

Բուլղարիայի առողջապահության նախարարության պաշտոնական տվյալների համաձայն, հիվանդությունից գրանցվել է մահվան միայն մեկ դեպք, սակայն բժիշկները չեն բացառում նաև նոր դեպքերը: