Հայաստանի ԿԲ կողմից Շուշիում ուսումնական կենտրոն կբացվի

Հայաստանի Կենտրոնական բանկի կողմից ԼՂՀ Շուշի քաղաքում կբացվի ուսումնական կենտրոն: Օրերս Ստեփանակերտում ԼՂՀ Նախագահ Բակո Սահակյանի ու ՀՀ ԿԲ նախագահ Արթուր Ջավադյանի հանդիպման ժամանակ Նախագահը կարևորել է նման կենտրոնի բացումը, նշելով, որ այն կհանդիսանա հանրապետության ֆինանսական և բանկային կադրերի պատրաստման և ժամանակակից ուսուցման կարևոր կառույցներից մեկը:

ԼՂՀ նախագահի աշխատակազմի գլխավոր տեղեկատվական վարչության հաղորդմամբ, հանդիպմանը, որին մասնակցում էր նաև ԼՂՀ վարչապետ Արա Հարությունյանը, քննարկվել են բանկային ոլորտում համագործակցությանն առնչվող մի շարք հարցեր: