ՎիվաՍել-ՄՏՍ ընկերությունը նոր ծառայություն է մատոցում. «Օնլայն SMS»

ՎիվաՍել-ՄՏՍ ընկերությունը, հայտարարում է, որ այսօրվանից ընկերության բաժանորդները կարող են գրանցվել ընկերության SMS պորտալում (http://sms.vivacell.am/Login.aspx) և հաղորդագրության տեքստը մուտքագրել անմիջապես համակարգչից:

Այստեղ բաժանորդը կարող է նաև պահպանել իր հեռախոսահամարներն ու խմբավորել դրանք, ստեղծել SMS նմուշներ, ծրագրել հաղորդագրությունների ուղարկումը և շատ ավելին:
«Օնլայն SMS»-ի ծառայությունից օգտվելու համար դեպի ՎիվաՍել-ՄՏՍ-ի ցանց 1 SMS-ն արժե 15 դրամ, իսկ դեպի այլ ուղղություններ` 20 դրամ:

Գրանցման համար պարզապես անհրաժեշտ է ուղարկել SMS բառը 767 կարճ համարին: Քիչ անց բաժանորդը կստանա գաղտնաբառ, որով նա կարող է մուտք գործել իր էջն ու օգտվել «Օնլայն SMS»-ի ընձեռած բոլոր հնարավորություններից:
Այս մասին հայտնում են ընկերությունից: