Վրաստանի ռեստորաններից մեկում պայթյուն է տեղի ունեցել

 Վրաստանի «Գորի» ռեստորանում, որը գտնվում է համանուն քաղաքում, տեղի է ունեցել պայթյուն: Նախնական տվյալներով, պայթյունի պատճառ է դարձել գազի արտահոսքը:

«Ինտերֆաքս»-ի հաղորդմամբ, երեք մարդ ծանր վնասվածքներ են ստեցել: Նրանք տեղափոխվել են Թբիլիսիի այրվածքաբանական կենտրոն: Նրանցից մեկի վիճակը գնահատվում է ծայրահեղ ծանր:

Պայթյունի փաստի առթիվ հարուցվել է քրեական գործ: