Աուդիտորի որակավորման վկայական է տրվել տասը դիմորդի

Հրապարակվել են ՀՀ ֆինանսների նախարարությունում տեղի ունեցած աուդիտորների որակավորման հերթական քննության արդյունքները: Քննությանը մասնակցած 16 դիմորդներից որակավորվել է վեցը: Աուդիտորների որակավորման հանձնաժողովի նիստում որոշում է կայացվել որակավորման վկայական շնորհել նաև Հաշվապահների միջազգային դաշնության անդամ կազմակերպությունների կողմից որակավորված 4 դիմորդի` ներկայացված փաստաթղթերի հիման վրա:

2009 թվականի ընթացքում անցկացվել է աուդիտորների որակավորման ընդհանուր թվով 6 քննություն, որոնց արդյունքներով որակավորված աուդիտորի վկայական է շնորհվել 22 դիմորդի:

Հայաստանի Հանրապետությունում. նոյեմբերի 17-ի դրությամբ որակավորման վկայական ունի 106 աուդիտոր, տեղեկացնում են ֆինանսների նախարարության տեղեկատվության և հասարակայնության հետ կապերի բաժնից: