Թուրքիայի առողջապահության նախարարի զավակները վարակվել են խոզի գրիպով

Թուրքիայում մոլեգնող Ա գրիպի համաճարակը հասել է մինչև անգամ այդ երկրի առողջապահության նախարարի ընտանիք: Այս մասին տեղեկացնում է թուրքական «Զաման» (Zaman) օրաթերթի էլ-կայքը:

Թուրքիայի առողջապահության նախարար Ռեջեփ Աքդաղը, խոսելով A H1N1 վիրուսի դեմ նախատեսված պատվաստանյութը երեխաներին ներարկելու անհրաժեշտության մասին, հայտնել է, որ իր չորս և քսանչորս տարեկան զավակները վարակվել են խոզագրիպի հարուցիչով, բայց կարողացել են հաղթահարել այն:

Նախարարը նաև նշել է, որ Ա գրիպի համաճարակն իր գագաթնակետին կհասնի դեկտեմբեր, հունվար ամիսներին, իսկ անկումը կսկսվի 2010 թվականի ապրիլին: