Ամենից շատ կարդացված նյութեր

10:02 25/11/2009

Ֆրանսիայում դեմ են էվթանազիային

Ֆրանսիացի խորհրդարանականները չեն ընդունել սոցիալիստ Մանուել Վալսոմի օրենսդրական նախաձեռնությունը, որով երկրում փորձ էր արվում օրինականացնել էվթանազիան: Օրինագծին դեմ է քվեարկել 326 պատգամավոր, իսկ կողմ` 202-ը: Այս մասին տեղեկացնում է «Ինտերֆաքս»-ը:

Առաջարկվող օրինագծով` «յուրաքանչյուր չափահաս մարդ` ծանր պայմանների դեպքում, կարող է դիմել բժշկական օգնության, որպեսզի մահանա արժանապատիվ»:

Ներկայումս էվթանազիան օրինականացված է եվրոպական մի շարք երկրներում, մասնավորապես, Բենիլյուկսի պետություններում, Շվեյցարիայում, իսկ Ֆրանսիայում, Իտալիայում ու Մեծ Բրիտանիայում մահացու հիվանդ մարդկանց թույլ են տալիս հրաժարվել բուժումից:

Էվթանազիան (հունարենից` «լավ մահ») անբուժելի հիվանդությամբ տառապող մարդուն կյանքից զրկելն է:

Placeholder