Հաջորդ տարի «Deep Purple»-ը համերգ կտա Երևանում. կազմակերպիչները վստահեցնում են` տոմսերը թանկ չեն

Աշխարհահռչակ «Deep Purple» ռոք խումբը հաջորդ տարի մայիսի 25-ին Երևանում հանդես կգա միակ համերգով: Այսօր կայացած ասուլիսում հայտարարեց համերգի կազմակերպիչ «Վիբրոգրաֆուս» ընկերության ղեկավար Գագիկ Գյուլբուդաղյանը: Նրա խոսքով, հռչակավոր ռոք խմբի համերգը տեղի է ունենալու միջազգային արշավի շրջանակներում:

Կազմակերպիչը տեղեկացրեց, որ խմբի երգացանկում լինելու են բոլորին շատ հայտնի ու սիրելի երգերը: «Deep Purple»-ը լինելու է ամբողջ կազմով` Յան Գիլան (Ian Gillan), Ռոջեր Գլովեր (Roger Glover), Իեն Փեյս (Ian Paice), Սթիվ Մորս (Steve Morse) և Դոն Էյրի (Don Airey):

Բոլորին շատ հետաքրքրում էր համերգի տոմսերի գինը: Դրանք, ըստ կազմակերպիչների, շատ թանկ չեն լինի և կտատանվեն 3000 դրամից 60000 դրամի շրջանակներում:

Նախորդող նորություն` DEEP PURPLE-Ի ՀԻՄՆԱԴԻՐԸ ՀԱՅԱՍՏԱՆՈՒՄ Է. ԱՅՍ ԱՆԳԱՄ ՀԱՅՏՆԻ ՌՈՔԵՐՆԵՐԸ ԿՕԳՆԵՆ ԳՅՈՒՄՐԻԻ ԵՐԱԺՇՏԱԿԱՆ ԴՊՐՈՑԻՆ