ԿԲ նախագահն այցելելու է Ֆրանկֆուրտ

Կենտրոնական բանկի նախագահ Արթուր Ջավադյանը դեկտեմբերի 21-ին մեկնելու է Ֆրանկֆուրտ, որտեղ աշխատանքային հանդիպումներ է ունենալու KfW բանկի փոխնախագահների և ծրագրերի ղեկավարների հետ, տեղեկացնում են ԿԲ լրատվական ծառայությունից:

Հանդիպումներին քննարկվելու են «Եվրոպական հարևանության բիզնեսի խրախուսման» հիմնադրամին Հայաստանի անդամակցության, ինչպես նաև «Կայուն բնակարանային ֆինանսավորման շուկայի զարգացման» ծրագրին 27 մլն եվրո գումարի լրացուցիչ վարկային միջոցների տրամադրման հարցերը: