Խոզի գրիպով 101 հիվանդ. Այսօր պարզ կլինի, դասերը կվերսկսվե՞ն, թե՞ ոչ

Այս պահի դրությամբ Հայաստանում գրանցված է AH1N1 հիվանդության 101 դեպք: Այս մասին Panorama.am-ին հայտնեց առողջապահության նախարարի օգնական Շուշան Հունանյանը: Նա մեկ անգամ ևս փաստեց, որ ամենօրյա մոնիտորինգը շարունակվում է: Արդյունքները ցույց են տալիս, որ սուր շնչառական հիվանդությունների թվի նվազում է նկատվում:

Նշենք, որ այսօր տեղի է ունեցել խորհրդակցություն դպրոցներում արձակուրդը երկարացնելու վերաբերյալ: Վերջնական որոշումն առայժմ անհայտ է: Նախատեսվում է, որ այսօր կրթության և գիտության նախարարությունը հանդես կգա պաշտոնական հայտարարությամբ: