Արձակուրդը երկարաձգվել է

Հիմք ընդունելով ՀՀ առողջապահության նախարարի առաջարկը` ՀՀ կրթության և գիտության նախարար Ա. Աշոտյանը հրաման է ստորագրել դեկտեմբերի 21-28-ը ներառյալ Հայաստանի Հանրապետությունում գործող նախադպրոցական և հանրակրթական ուսումնական հաստատություններում ուսումնական գործընթացը դադարեցնելու վերաբերյալ: Հանրակրթական ուսումնական հաստատություններում առաջին կիսամյակի գնահատականները կամփոփվեն հունվար ամսին:

Հիշեցնենք, որ դպրոցները փակվել էին դեկտեմբերի 8-ին, իսկ դեկտեմբերի 21-ից պետք է վերաբացվեին: Դպրոցների փակման պատճառը սուր շնչառական հիվանդությունների արագ տարածումն է հանրապետությունում: