Խոզի գրիպից նոր մահեր չկան, ավելանում է միայն վարակվածների թիվը

A/H1N1` խոզի գրիպի հետևանքով մահացությունների նոր դեպք Հայաստանում չի գրանցվել: Այդ մասին Panorama.am-ին տեղեկացրեց Առողջապահության նախարարի օգնական Շուշան Հունանյանը: Փոխարենը ավելացել է նույն գրիպով վարակվածների թիվը և հասել 107-ի:

Հիշեցնենք, որ գրիպի վարակի արձանագրումից հետո մինչ այժմ Հանրապետությունում գրանցվել է մահվան երկու դեպք:

Աղբյուրի հաղորդմամբ, ներկայումս Հանրապետության բուժկանխարգելիչ հիմնարկներում բուժվում է խոզի գրիպով վարակված 11 հիվանդ: «Մնացած 94  հիվանդները  առողջացած դուրս են գրվել», -տեղեկացրեց Հունանյանը: