Ամենից շատ կարդացված նյութեր

16:13 26/12/2009

Նախագահ Սարգսյանը պատվավոր կոչումներ է շնորհել սպորտի բնագավառի մի խումբ աշխատակիցների

Նախագահ Սերժ Սարգսյանը դեկտեմբերի 25-ին հրամանագիր է ստորագրել Ֆիզիկական կուլտուրայի և սպորտի զարգացման գործում ունեցած մեծ վաստակի համար սպորտի բնագավառի մի խումբ աշխատակիցների Հայաստանի Հանրապետության պատվավոր կոչումներ շնորհելու մասին: Այս մասին հայտնեցին նախագահի մամլո գրասենյակից:

Ֆիզիկական կուլտուրայի և սպորտի վաստակավոր գործչի կոչման է արժանացել «Հայաստան» մարզական հասարակական կազմակերպության Գյումրու մասնաճյուղի ղեկավար Սիրեկան Մելիքի Ջանոյանը:

Վաստակավոր մարզչի կոչմանն են արժանացել ծանրամարտի մարզիչներ Երվանդ Ավետիքի Կիրակոսյանը և Աշոտ Ռոմանի Դանիելյանը, հունահռոմեական ըմբշամարտի մարզիչ Արմեն Արամի Բաբալարյանը, թաեքվոնդոյի մարզիչ Արսեն Արամի Ավետիսյանը, բռնցքամարտի մարզիչներ Սամվել Վարանցովի Սողոմոնյանը և Արման Էդուարդի Հարությունյանը:

Placeholder