Գեղարդ Մուսասին տեղափոխվում է բռնցքամարտ

Կիսածանր քաշային կարգում «Strikeforce»-ի չեմպիոն Գեղարդ Մուսասին 2010 թ. հունվարին կարող է նորամուտը նշել պրոֆեսիոնալ բռնցքամարտում: Այս մասին տեղեկացնում է valetudo.ru-ն:

Սպասվում է, որ Մուսասին կմասնակցի «Glendale Glory-2» բռնցքամարտի շոուին, որը տեղի կունենա ամերիկյան Գլենդելում: Շոուի գլխավոր իրադարձությունը ռուս Ռոման Կարմազինի և կոլումբիացի Դիոնիսիո Միրանդայի մենամարտն է: Գեղարդ Մուսասիի մրցակցի անունը դեռ հայտնի չէ: Գիտենք միայն, որ այդ մարտը տեղի կունենա ծանր քաշային կարգի շրջանակներում և բաղկացած կլինի 4 ռաունդից: