Ամենից շատ կարդացված նյութեր
.jpg "Թուրքական համալսարանում բացվում է հայոց լեզվի և գրականության ֆակուլտետ")
Թուրքական «Սի Էն Էն թուրք» (CnnTurk) լրատվական կայքի տեղեկացմամբ` Թուրքիայի Կայսերի քաղաքի Էրջիյես համալսարանում բացվելու է հայոց լեզվի և գրականության ֆակուլտետ: Նշենք, որ նման ֆակուլտետ ավելի վաղ բացվել էր թուրքական Նևշեհիր քաղաքի համալսարանում:
Էրջիյես համալսարանի փոխռեկտոր, պրոֆեսոր Մեթին Հյուլագուն հայտնել է, որ իրենք, հավանաբար, հաջորդ ուսումնական տարում կուսուցանեն հայոց լեզու և հայ գրականություն: Համալսարանի այդ նոր նախաձեռնությունը Հյուլագուն պայմանավորել է Թուրքիայի տարածաշրջանային քաղաքականությամբ, որի առանցքը, ըստ նրա, բոլոր հարևանների հետ բարիդրացիություն անցնելն է:
«Այդպիսի արտաքին քաղաքականության համար անհրաժեշտ ենթակառուցվածքները համալսարաններն են ձևավորում: Մենք էլ` որպես Էրջիյես համալսարան, ստանձնել ենք մեր չափով պատասխանատվություն այդ գործում»:
Փոխռեկտորը նաև նշել է, որ Թուրքիայի և տարածաշրջանի քաղաքական ու սոցիալական խնդիրների լուծմանը նպաստել կարողանալու համար իրենց համալսարանը մտադիր ռազմավարական հետազոտությունների կենտրոն հիմնել:
Տեղեկացվում է, որ այդ համալսարանում բացվելու են նաև հնդկերենի, պարսկերենի, արաբերենի և եբրայերենի ֆակուլտետներ: Մեթին Հյուլագուն ընդգծել է. որ իրենք այժմ լեզվի մասնագետներ են փնտրում:
Studio One