Ֆինանսների նախարարը Մոսկվայում է

Ֆինանսների նախարար Տիգրան Դավթյանը մեկնել է Մոսկվա` մասնակցելու հունվարի 21-ին կայանալիք Եվրասիական տնտեսական ընկերակցության Հակաճգնաժամային հիմնադրամի խորհրդի երկրորդ նիստին: Այս մասին հայտնեցին
ֆինանսների նախարարության տեղեկատվության և հասարակայնության հետ կապերի բաժնից:


Նիստի ընթացքում նախատեսվում է հաստատել Եվրասիական տնտեսական ընկերակցության Հակաճգնաժամային հիմնադրամի միջոցների հաշվին ֆինանսական վարկերի տրամադրման կարգը, ինչպես նաև քննարկել ներդրումային ծրագրերի ֆինանսավորման հիմնական պայմանները, ժամանակավոր ազատ միջոցների կառավարման սկզբունքները և այլ ընթացիկ հարցեր: