ԱՀԿ. A/H1N1 գրիպի վտանգը չափազանցված չէ

Առողջապահության համաշխարհային կազմակերպությունը (ԱՀԿ) հերքում է գրիպի վտանգի չափազանցման մեղադրանքները, որի հետևում, իբրև, կանգնած են դեղագործական ընկերությունները:

ԱՀԿ-ի գրիպի մասով գլխավոր փորձագետ Քեյջի Ֆուկուդան Եվրոպայի Խորհրդի լսումների ժամանակ խոստովանել է, որ անցյալ տարի գրիպի կանխարգելմանն ուղղված միջոցառումներն այնքան էլ կատարյալ չեն եղել: Դրա հետ մեկտեղ, պաշտոնյան նշել է, որ ոչ վայել ազդեցություն` դեղագործական ընկերությունների կողմից ԱՀԿ-ի որոշման վրա, չի եղել:

Անցյալ տարվա հունիսից հետո, երբ ԱՀԿ-ն հայտարարել է գրիպի համաճարակ, եվրոպական երկրների մեծամասնությունը ձեռք է բերել միլիոնավոր չափաբաժին պատվաստանյութ: Չնայած, որ աշխարհում գրիպից մահացել է մի քանի հազար մարդ, վարակի տարածման հետևանքները սպասվածից թեթև են եղել: Հաղորդում է BBC-ն: