Ադրբեջանն ԱՄՆ-ի կողմից սանկցիայի կենթարկվի՞

ԱՄՆ սենատը նոր օրենք է ընդունել, որ պոտենցիալ վտանգ է հանդիսանում Ադրբեջանի պետական նավթային ընկերության համար (SOCAR): Այս մասին տեղեկացնում է Վեստի.ազ լրատվական կայքը:

Նոր ամերիկյան օրենքը ԱՄՆ նախագահ Բարաք Օբամային թույլ է տալիս նոր սանկցիաներ կիրառել Իրանի նկատմամբ: Այդպիսի քայլերը կարող են գործադրվել նաև այն ընկերությունների նկատմամբ, որոնք բենզին և այլ տեսակի վառելիք են մատակարարում Իրանին, ինչպես նաև այն ապահովագրական ընկերությունների և տանկերների սեփականատերերին, ովքեր ապահովում են վառելիքը ներմուծումը դեպի Իրան:

Ադրբեջանի պետական նավթային ընկերությունն անցյալ տարվա ընթացքում գազ է մատակարարել Իրանին: Նախատեսված է, որ կողմերը 2010 թվականին ևս կշարունակեն գազի մատակարարման հետ կապված գործարքները: Այս գործարքի միջոցով Ադրբեջանը փորձում է դիվերսիֆիկացնել գազի արտահանման ուղիները: SOCAR-ը և նրան հարակից կառույցները Իրան են արտահանում նար նավթ և նավթամթերք: