Թափառող շները հարձակվել են կենդանաբանական այգու 15 «բնակչի» վրա

Թափառող շների խումբը ներխուժել է Սոֆիայի կենդանաբանական այգու տարածք ու հոշոտել նրա 15 բնակչի: Այս մասին հաղորդում է «Sofia Echo»-ն:

Իսկ «Novinite»-ի հաղորդմամբ էլ, շների «բաժին» դարձած կենդանիների թվում հայտնվել է 4 եղնիկ, 8 մուֆլոն, և մեկ եղջերու: Կենդանաբանական այգու տնօրեն Իվան Իվանովը հայտարարել է, որ ստացված վնասը դժվար է հաշվել: Նա միայն նշել է , որ մուֆլոնն ու եղջերուն թակարժեք կենդանիներ են:


Ինչպես նշում է «Sofia Echo»-ն, թափառող շների խնդիրը Սոֆիայում շատ սուր է, հաճախ գրանցվում են նաև հարձակումներ մարդկանց վրա, որոնք, երբեմն մահացու ելքով են ավարտվում:
Ավելի քան 1.3 միլիոն բնակչություն ունեցող Սոֆիայում հաշվվում է շուրջ 8 500 թափառող շուն: