Ամենից շատ կարդացված նյութեր

17:55 02/02/2010

Արցախում քննարկել են արտադրական ենթակառուցվածքների վարչության աշխատանքները

Արցախի Հանրապետության Նախագահ Բակո Սահակյանը փետրվարի 2-ին հրավիրել է խորհրդակցություն կառավարությանն առընթեր արտադրական ենթակառուցվածքների վարչության կողմից 2009 թվականին կատարված աշխատանքների վերաբերյալ: Զեկույցներով հանդես են եկել վարչության պետ Կառլեն Պետրոսյանը և համապատասխան բնագավառների պատասխանատուները:

Երկրի ղեկավարը նշել է, որ արտադրական ենթակառուցվածքների ոլորտը հանդիսանում է հանրապետության սոցիալ-տնտեսական կարևոր ուղղություններից մեկը, և նրա համակարգված ու կայուն զարգացումը մշտապես գտնվում է իշխանությունների ուշադրության կենտրոնում:

ԼՂՀ նախագահի աշխատակազմի տեղեկատվության գլխավոր վարչության տեղեկացմամբ, խորհրդակցությանը մասնակցում էին ԼՂՀ վարչապետ Արա Հարությունյանը, փոխվարչապետ, ֆինանսների նախարար Սպարտակ Թևոսյանը, պաշտոնատար այլ անձինք:

Placeholder