ՀՀ և ԱՄԷ կառավարությունների միջև գիտատեխնիկական համագործակցության մասին համաձայնագիրը կստորագրվի

Կառավարությունն այսօրվա նիստում համաձայնություն է տվել «Հայաստանի Հանրապետության և Արաբական Միացյալ Էմիրությունների կառավարությունների միջև գիտատեխնիկական համագործակցության մասին» համաձայնագիրը ստորագրելու առաջարկությանը:

Ըստ կառավարության տեղեկատվության և հասարակայնության հետ կապերի վարչության, փաստաթուղթը կնպաստի երկու պետությունների տնտեսությունների համար առաջնահերթ նշանակություն ունեցող համատեղ գիտական, գիտատեխնիկական և սոցիալ-տնտեսական ծրագրերի և նախագծերի համաֆինանսավորման սկզբունքով իրականացմանը, գիտնականների և մասնագետների փոխանակմանը, ինչպես նաև գիտական կադրերի պատրաստմանը: