Սմարտֆոն` համակարգչի փոխարե՞ն

Ժամանակակից սմարտֆոններն իրենց հնարավորություններով արդեն ամբողջովին մոտեցել են սովորական համակարգիչներին: Դրանից ելնելով` Citrix Systems ընկերությունը առաջարկում է կատարել նոր որոշիչ քայլ` հրաժարվել դեսքթոփերից, դրանք փոխարինել սմարտֆոններով, որոնք առանց այդ էլ օգտագործողների մեծ մասն ունեն:


Վերջերս Citrix Systems-ը և Open Source Lab-ը ներկայացրին Nirvana Phone սմարտֆոնը, որով կարելի է աշխատել առանց համակարգային բլոկի: Տեխնոլոգիայի էությունն այն է, որ սմարտֆոնը կատարում է այսպես կոչված «նուրբ հաճախորդի» դեր, բջջային ինտերնետով միացնելով հեռավոր սերվեր օգտագործողին:

Նշենք, որ սմարտֆոնին միացած են լիարժեք չափերի մոնիտոր, ստեղնաշար, մկնիկ և գրասենյակային սեղանի մնացյալ սովորական պարագաներ, որոնք ապահովում են հարմարավետություն: Այս մասին տեղեկանում ենք Դնի.ռու-ից: