Վարչապետն ԱՄՀ պատվիրակությանը ներկայացրել տնտեսության զարգացման հեռանկարները

Այսօր վարչապետ Տիգրան Սարգսյանն ընդունել է Արժույթի միջազգային հիմնադրամի պատվիրակությանն ` ԱՄՀ Հայաստանի առաքելության ղեկավար Մարկ Լյուիսի գլխավորությամբ: Այս մասին հայտնեցին կառավարության տեղեկատվության և հասարակայնության հետ կապերի վարչությունից:

Ողջունելով հյուրին` Տիգրան Սարգսյանը ներկայացրել է Հայաստանի տնտեսության վիճակը և զարգացման հեռանկարները կարճաժամկետ և միջնաժամկետ հեռանկարներում: Անդրադարձ է արվել ՀՀ կառավարության և Արժույթի միջազգային հիմնադրամի միջև հարաբերությունների հետագա զարգացմանն ու երկկողմ հետաքրքրություն ներկայացնող մի շարք հարցերի: