Իսրայելում խոզի գրիպից մահացել է ևս մեկ մարդ

Իսրայելում Պետահ-Տիկվեի «Բեյլինսով» հիվանդանոցում խոզի գրիպից մահացել է 21-ամյա մի աղջիկ, ով նախապես հիվանդանոց էր բերվել խոզի գրիպ ախտորոշմամբ: Ըստ ռուսական լրատվամիջոցների, բժիշկների հավաստել են թե, H1N1 վարակը բարդացրել է աղջկա մոտ մինչ այդ եղած հիվանդությունները և մահվան պատճառ է դարձել:

Նշենք, որ երկրի առողջապահության նախարարության հունվար ամսի տվյալների համաձայն, Իսրայելում գրանցվել է վտանգավոր վարակի հիվանդացության 230 դեպք: 90 մարդ մահացել է այս հիվանդությունից: