Եվրո գոտու երկրների ղեկավարները հավանության են արժանացրել Հունաստանին ֆինանսական օգնություն տրամադրելու ծրագիրը

Եվրո գոտու 16 երկրների ղեկավարները հավանության են արժանացրել Հունաստանին 145 մլրդ դոլարի ֆինանսական օգնություն տրամադրելու ծրագիրը:
Եվրոյի գոտու երկրների ղեկավարների խոսքով, այս միջոցը պետք է խոչընդոտի ԵՄ տարածքում հետագայում ֆինանսական ճգնաժամի տարածմանը:

Եվրահանձնաժողովի ղեկավար Ժոզե Մանուել Բարոզոն հայտարարել է, որ եվրոպական գոտու երկրներն անում են հնարավոր ամեն ինչ, որպեսզի երաշխավորվի Հունաստանի ֆինանսական կայունությունը: Հաղորդում է BBC-ին:

Վարկը Հունաստանին տրամադրվել է 3 տարով: