Վրաստանից Հայաստան գազամատակարարումը վերսկսվել է

12 օր դադարից հետո հետո Վրաստանից դեպի Հայաստան գազամատակարարումը վերսկսվել է: Այդ մասին Panorama.am-ին տեղեկացրեց «Հայռուսգազարդ» ընկերության մամլո քարտուղար Շուշան Սարդարյանը: Նրա խոսքերով, գազը դեռևս Հայաստանի սահմանին չի հասել, քանի որ նոր է սկսվել մատակարարումը:

Նշենք, որ սողանքի հետևանքով գազատարը վնասվել էր ապրիլի 29-ին, իսկ վրացական կողմը վստահեցրել էր, որ գազամատակարարումը կվերականգնվի 2-3 օրից: Սակայն, փաստորեն, մինչ այսօր գազամատակարարումը չէր վերականգնվել: