Deep Purple-ի բաս-կիթառահարն անհամբերությամբ սպասում է երևանյան համերգին

Deep Purple-ի բաս-կիթառահար Ռոջեր Գլովերը www.Bravo.am-ի հետ հարցազրույցում ասել է, որ անհամբերությամբ սպասում է Երևանում խմբի համերգին:

«Իէն Գիլանը մեզ ասաց, որ հրաշալի ժամանակ է անցկացրել Հայաստանում և չափազանց երջանիկ էր այդ առումով: Ինչ վերաբերում է սպասումներին, ապա ես նախընտրում այդպիսիք չունենալ և անակնկալների հանդիպել: Տարիների ընթացքում այն համոզման եմ եկել, որ ենթադրությունները հաճախ ոչ ճիշտ են լինում»,- ասել է Ռոջեր Գլովերը:

Deep Purple-ի համերգը Երևանում կկայանա մայիսի 25-ին, ժամը 19:00-ին` Կարեն Դեմիրճյանի անվ. մարզահամերգային համալիրում:

Պատասխանելով www.Bravo.am-ի այն հարցին, թե Deep Purple-ի համար կարևո՞ր է արդյոք ելույթ ունենալ այնտեղ, որտեղ խումբը երբևէ չի եղել, Ռոջեր Գլովերն ասել է.

«Մեզ համար կարևոր է յուրաքանչյուր համերգ, բայց նոր տեղում հանդես գալն, իհարկե, միշտ ավելի գրավիչ է, այնպես որ սպասում եմ անհամբերությամբ»: