Սամվել Տեր-Սահակյանը` աշխարհի 5-րդ պատանի աստղ

Հայ գրոսմայստեր Սամվել Տեր-Սահակյանը Ռուսաստանի Կիրիշի քաղաքում ավարտված «Աշխարհի պատանի աստղեր» մրցաշարում 7 միավորով գրավեց 5-րդ տեղը: Նույնքան միավոր վաստակեցին նաև Բելաուսն ու Լինչևսկին, սակայն նրանք լրացուցիչ ցուցանիշներով բաժանեցին 3-4-րդ տեղերը:

Ինչպես տեղեկացնում են Հայաստանի շախմատի ֆեդերացիայից, հաղթողի կոչումը նվաճել է ուկրաինացի Ժերեբուխը` 8 միավոր արդյունքով: Նրանից կես միավորով է հետ մնացել Սեթուրամանը: