Ամենից շատ կարդացված նյութեր

10:20 12/06/2010

Այսօր Ծաղկաձորում առանց փողկապի հանդիպում կանցկացնեն ՏՀՏ լիդերները. Թեման կրթությունն է

Այսօր Ծաղկաձոր քաղաքում կմեկնարկի «ՏՀՏ լիդերների հանդիպում» ֆորումը: Այն կշարունակվի նաև վաղը: Միջոցառման նպատակն է ոչ պաշտոնական մթնոլորտում քննարկել Հայաստանում առկա բարձր տեխնոլոգիաների զարգացման առաջնային խնդիրները, մասնավորապես ՏՀՏ ոլորտի կրթության խնդիրները:

Ֆորումի ընթացքում կրթական պրոցեսի մասնակիցների մոտիվացիայի և հավակնությունների բարձրացման խնդիրները, կրթական ծառայությունների մատակարարների և պատվիրատուների կապի ձևավորումը, բուհերը գիտահետազոտական կենտրոններ դարձնելու ուղիները, առկա կրթական լուծումները, կթությունը բանակում և այլն:

Կազմակերպիչների տեղեկացմամբ, միջոցառմանը մասնակցելու են ՏՀՏ ոլորտի ընկերությունների, կրթական ոլորտի, համապատասխան նախարարությունների և գերատեսչությունների, հասարակական կազմակերպությունների մոտ 90 ներկայացուցիչներ: Ֆորումին իրենց մասնակցությունը կցուցաբերեն ՀՀ Կրթության և գիտության նախարար Արմեն Աշոտյանը և ՀՀ էկոնոմիկայի նախարար Ներսես Երիցյանը:

Ֆորումի կազմակերպիչներն են Ինֆորմացիոն տեխնոլոգիաների ձեռնարկությունների միությունը, ՀՀ էկոնոմիկայի նախարարությունը և ՀՀ կրթության նախարարությունը:

Placeholder