Ռուսները Թուրքիայում կկառուցեն ատոմակայան

Թուրքիայի խորհրդարանը հաստատել է այդ երկրի Մերսին Աքքույա կոչվող շրջանում ատոմակայան հիմնելու մասին օրինագիծը, համաձայն որի այդ կայանի կառուցումն իրականացնելու է ռուսական ընկերությունը:

Նշենք, որ Մոսկվայի և Անկարայի միջև միջուկային համագործակցության պայմանագիրը կնքվել էր մայիսի 12-ին: Այս մասին հայտնում է թուրքական «Ջումհուրիյեթ» (Cumhuriyet) թերթի էլեկտրոնային կայքը: Ըստ նախատեսվածի` պայմանագրի կնքումից հետո երեք ամսվա ընթացքում պետք է սկսեն ատոմակայնի կառուցման աշխատանքները: