ԱՄՀ-ն դրամի կտրուկ տատանումներ Հայաստանում չի սպասում

Արժույթի Միջազգային հիմնադրամը (ԱՄՀ) դրամի կտրուկ տատանումներ Հայաստանում չի սպասում: ԱՄՀ տվյալներով, ազգային արժույթը Հայաստանում ճկունություն կդրսևորի:

Ինչպես այսօր լրագրողների հետ հանդիպմանը նկատեց ԱՄՀ երևանյան գրասենյակի ղեկավար Գիլյերմո Տոլոսը, տարադրամի կուրսը ձևավորվում է շուկայական հարաբերությունների արդյունքում և որոշ փաստերի ազդեցությամբ կարող են տեղի ունենալ տատանումներ:

Նա նաև նշեց, որ Հայաստանի տնտեսական աճը հիմնականում համապատասխանում է ԱՄՀ կանխատեսումներին: Ինչպես նախկինում, այժմ էլ ԱՄՀ-ն 2010-ի համար կանխատեսում է ՀՆԱ-ի 4,8 տոկոս աճ, մինչև տարվա վերջ գնաճի ցուցանիշի իջեցում:

ԱՄՀ ներկայացուցիչը նաև նշեց, որ եթե այս տարվա առաջին եռամսյակում Հայաստանում տնտեսության աճի բարձր տեմպեր են գրանցվել, ապա այսօր այդ ցուցանիշը մի փոքր իջել է, բայց կայունացել է:

Տոլոսի խոսքով, չնայած որ ճգնաժամն անցել է, սակայն դա չի նշանակում, որ դժվարությունները հետևում են: Նա ընդգծեց, որ Հայաստանի կառավարությունը պետք է մարտահրավերներին դիմակայելու քաղաքականություն վարի:

Բացի այդ Տոլոսը կանխատեսում է, որ ապագայում Հայաստանի տնտեսության վիճակը, ի տարբերություն 2003-2088 թվականների, էականորեն կբարելավվի և մի շարք դրական շոկեր չի ապրի: