Հրդեհները Ռուսաստանին 15 մլրդ դոլարի վնաս են հասցրել

Վերջին մեկ ամսվա ընթացքում գրանցված անոմալ շոգն ու դրա հետևանքով դեռևս շարունակվող հրդեհները մեծ վնաս են հաասցրել Ռուսաստանի տնտեսությանը: «Կոմերսանտ»-ի փոխանցմամբ, փորձագետների հաշվարկներով, այդ վնասը կազմում է ՌԴ-ի ՀՆԱ-ի 1 տոկոսը: Դրամային արտահայտությամբ դա կազմում է 15 մլրդ դոլար:

Պարբերականը մանրամասնում է, որ խոսքը վերաբերում է միայն ուղղակի կորուստներին ու տնտեսության համար կարճաժամկետ հետևանքներին: Առավել երկարաժամկետ հետևանքների ու վնասների մասին առայժմ հաշվարկներ չկան: Թերթի տեղեկություններով, նման հաշվարկներ կլինեն ոչ շուտ, քան այս տարեվերջին: