Հայ ջազմենները մասնակցում են Դոնի Ռոստովում անցկացվող ջազի փառատոնին

Դոնի Ռոստովում այս օրերին նշվում է Քաղաքի տոն: Այդ շրջանակներում այսօր և վաղը այնտեղ անցկացվելու է ջազի փառատոն: «Իտառ-Տաս» գործակալությանը քաղաքապետարանից հայտնել են, որ այս երկու օրերի ընթացքում իրենց քաղաքը վերածվելու է աշխարհի ջազի մայրաքաղաքի. Դոնի Ռոստով են գնալու համաշխարհային ճանաչում ունեցող ջազային նվագախմբեր:

Երկօրյա փառատոնի ընթացքում ելույթ է ունենալու 135 երաժիշտ ԱՄՆ-ից, Հայաստանից, Ֆրանսիայից, Մեծ Բրիտանիայից, Նիդեռլանդներից, Ուկրաինայից, Իսրայելից, Չեխիայից, Ինդոնեզիայից, Գերմանիայից: