Արցախի նախագահ. Օդանավակայանը պետք է շահագործման հանձնվի ամբողջովին, առանց որևէ թերացման

Արցախի Հանրապետության Նախագահ Բակո Սահակյանն այսօր այցելել է Ստեփանակերտի մի շարք շինարարական օբյեկտներ:

Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, մայրաքաղաքում կառուցվող նոր օդանավակայանում երկրի ղեկավարը ծանոթացել է իրականացվող աշխատանքներին և տեղում հրավիրված խորհրդակցությունում կոնկրետ հանձնարարականներ տվել համապատասխան մարմինների ղեկավարներին:

Բակո Սահակյանը նշել է, որ համալիրը պետք է շահագործման հանձնվի ամբողջովին, առանց որևէ թերացման, եթե նույնիսկ չպահպանվեն նախանշված ժամկետները:

Նույն օրը երկրի ղեկավարն այցելել է Արցախի պետական համալսարան ևծանոթացել այնտեղ իրականացվող բարեկարգման աշխատանքներին:

Նախագահին ուղեկցում էին փոխվարչապետ, ֆինանսների նախարար Սպարտակ Թևոսյանը, պաշտոնատար այլ անձինք: