Սլովենիայի նախագահը կժամանի Հայաստան

Հոկտեմբերի 11-ին Երևանում կանցկացվի հայ-սլովենական գործարար համաժողով` Սլովենիայի հանրապետության նախագահ Դանիել Տիրկի Հայաստան պաշտոնական այցի շրջանակներում:

Հայկական զարգացման գործակալության հաղորդմամբ, համաժողովին ելույթներով հանդես կգան Հայաստանի և Սլովենիայի նախագահները, ողջույնի խոսք կասեն երկու երկրների էկոնոմիկայի նախարարները:

Նախատեսված է համագործակցության հուշագրի ստորագրում Զարգացման հայկական գործակալության և Սլովենիայի հանրապետության Ձեռներեցության և Օտարերկրյա ներդրումների պետական գործակալության միջև, ՀՀ գործարար և ներդրումային միջավայրի ներկայացում, Սլովենիայի գործարար և ներդրումային միջավայրի ներկայացում: