Հայիթիում խոլերայի հետեւանքով մահացել է 135 մարդ

Վերջին օրերում Հայիթիի հյուսիսում բռնկված խոլերայի մեծամասշտաբ համաճարակին զոհ է գնացել 135 մարդ, եւս 1,5 հազարը վարակակիր է: «Ֆրանս Պրեսս» գործակալության փոխանցմամբ, համաճարակի շրջանում տարածքային հիվանդանոցները գերբեռնված են:

Ըստ տեղեկատվության, երկրի մայրաքաղաք Պորտ օ Պրենսում վարակի դեպք դեռեւս չի արձանագրվել, սակայն իշխանությունները մտահոգված են, որ համաճարակը կարող է հասնել քաղաքի վրանային ճամբար, որտեղ այս թվականի հունվարին տեղի ունեցած հուժկու երկրաշարժից հետո իրենց գոյություններ են պաշտպանում մեծ թվով հայիթցիներ: