Ֆրանսիայի իշխանությունները գնահատել են գործադուլների պատճառով երկրին հասցված վնասը

Ֆրանսիայի ֆինանսների նախարար Քրիստիան Լագարդն այսօր հայտարարել է, թե գործադուլների պատճառով երկրի պետական բյուջեին օրական հասցվում է մոտ 200-400 միլիոն եւվրո վնաս:
Այս մասին հաղորդում է Ֆրանս Պրես (AFP) գործակալությունը:

Հիշեցնենք, կենսաթոշակային բարեփոխումներին դեմ մի շարք արհմիություններ երեք շաբաթ անընդմեջ զանգվածային ցույցեր ու բողոքի ակցիաներ էին իրականացնում ողջ Ֆրանսիայում: Գործադուլների պատճառով երկրում պարալիզացվել էր տրանսպորտային համակարգը, հարյուրավոր չվերթներ հետաձգվել էին, անգործության մատնվել բազմաթիվ ուսումնական հաստատություններ:

Ֆրանսիայի խորհրդարանի վերին պալատը հոկտեմբերի 22-ին հավանության է արժանացրել օրինագիծը: Բարեփոխումների վերջնական քվեարկությունը նախատեսված է հոկտեմբերի 27-ին: Հաստատման դեպքում, այն կներկայացվի նախագահ Նիկոլա Սարկոզիին վավերացնելու համար: