Մոհամմադ Ռեզա Ռահիմի. Անհրաշետ է արագացնել Իրանին և Հայաստանին կապող երկաթգծի անցկացումը

«Իրանի և Հայաստանի հարաբերությունները միշտ էլ եղել են բարեկամական: Իրանը պատրաստ է տնտեսության և առևտրի ոլորտում Հայաստանի հետ ունեցած իր լավ հարաբերությունները հարևան և բարեկամ երկրի հետ զարգացնել նաև քաղաքական հարաբերությունների մակարդակում, հայ-իրանական հարաբերությունների զարգացման համար ոչ մի խոչնդոտ գոյություն չունի»,- իրանական «ՖԱՐՍ» լրատվական գործակալության փոխանցմամբ` այսօր Թեհրանում ՀՀ վարչապետ Տիգրան Սարգսյանի հետ կայացած հանդիպման ժամանակ հայտարարել է Իրանի նախագահի առաջին տեղակալ Մոհամմադ Ռեզա Ռահիմին:

«Անհրաշետ է արագացնել Իրանին և Հայաստանին կապող երկաթգծի անցկացումը, որը երկու երկների զարգացաման համար մեծ հնարավորություններ կնձեռի»,-հավելել է նա:

Իրանի նախագահի առաջին տեղակալը նշել է, որ Իրանն ու Հայաստանը կարող են հաջողությամբ համագործակցել նաև առողջապահության և գիտատեխնիկական ոլորտում:

Վարչապետ Տիգրան Սարգսյանն էլ իր հերթին նշել է, որ երկու երկրները մեծ հնարավություններ ունեն զարգացնելու իրենց հարաբերությունները, որոնք բխում են երկու երկրների ազգային շահերից: