Մանկական գրադարանում աշխատում են ռոբոտները

Մոսկվայի Ա. Գայդարի անվան կենտրոնական մանկական գրադարանում աշխատում են ռոբոտ-գրադարանավարները: Նրանք գրադարանի այցելուներին օգնում են գտնել իրենց անհրաժեշտ գիրքը, ինչպես նաև անցկացնում են հետաքրքիր էքսկուրսիաներ:

Ինչպես հաղորդում են ռուսական լրատվամիջոցները, հմուտ գրադարանավար լինելուց բացի, նրանք ունեն նաև հաճելի ձայն, իսկ իրենց տրված հարցին պատասխանելուց առաջ նախ «մտածում են», ապա տալիս անհրաժեշտ տեղեկությունը:

Ի դեպ, ռոբոտ-գրադարանավարներին տվել են Գայդարի հեքիաթի հերոսների անունները՝ Չուկ և Գեկ:

Նրանք աշխատում են գրադարանի հարևան բաժիններում:Գեկը երեխաների համար կազմակերպում է էքսկուրսիաներ, օգնում է նրանց գտնել անհրաժեշտ գիրքը: Նա նաև կարողանում է հետաքրքիր հարցեր տալ երեխաներին և ինքն էլ պատասխանում է փոքրերի հարցերին: