Ստեփանակերտում «Արցախ» թաղամաս է կառուցվում

Արցախի Հանրապետության Նախագահ Բակո Սահակյանն այսօր հրավիրել է աշխատանքային խորհրդակցություն` նվիրված մայրաքաղաքում «Արցախ» թաղամասի և հարակից տարածքներում ենթակառուցվածքների ու բնակելի շենքերի կառուցման, ինչպես նաև Ստեփանակերտի հուշահամալիրի վերակառուցման աշխատանքների հետ կապված հարցերին:

Երկրի ղեկավարը կարևորել է շինարարական աշխատանքների որակով և ժամանակին իրականացումը և համապատասխան հանձնարարականներ տվել շահագրգիռ մարմինների ղեկավարներին:

Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, խորհրդակցությանը մասնակցում էին Ազգային ժողովի նախագահ Աշոտ Ղուլյանը, վարչապետ Արա Հարությունյանը, պաշտոնատար այլ անձինք: