«Սփյուռի» կայքում ավելացել է նոր հնարավորություն

«Սփյուռի» www.spyur.am կայքում ավելացել է նոր հնարավորություն: Այժմ որոնում կատարելիս, անմիջապես որոնման արդյունքի էջում կարելի է տեսնել գտնված կազմակերպությունների հասցեները մեկ ընդհանուր Google Maps քարտեզի վրա: Այս մասին հայտնում են «ՍՓՅՈՒՌ» տեղեկատվական կենտրոնից:

Առաջիկայում կայքում սպասվում են նաև այլ փոփոխություններ, մասնավորապես «Որոնում» հատվածում: Կայքի որոնումը դառնալու է ավելի «խելացի». օգտվողին հուշումներ են տրվելու սխալներով որոնումների դեպքում: