Պայթյունի հետևանքով Եգիպտոսը դադարեցրել է գազի արտահանումը Իսրայել

Եգիպտական Ալ-Սաբիլ գազի ստորգետնյա պահեստում ուժգին պայթյուն է որոտացել: «Ասոշիեյթիդ Պրես» գործակալության հաղորդմամբ, բռնկված հրդեհը չեզոքացնելու նպատակով դադարեցվել է Իսրայել գազ մատակարարող գազատարի աշխատանքը:

Պայթյունի արդյունքում զոհերի ու տուժածների մասին մանրամասներ չեն հաղորդվում:

Տեղեկատվության համաձայն, պայթյունն իրականացվել է անհայտ անձանց կողմից ու դասակարգվել է որպես ահաբեկչական գործողություն: