Բին Համմամը խոստացել է օգնել աֆրիկյան երկրներին

Ասիական ֆուտբոլային կոնֆեդերացիայի նախագահ կատարցի Մոհամեդ Բին Համմամը շրջագայում է Աֆրիկայում, որպեսզի այդ մայրցամաքից աջակցություն ստանա ՖԻՖԱ-ի նախագահական ընտրություններում: Բին Համմամը խոստացել է ավելացնել ֆինանսավորումը և աջակցել աֆրիկյան աղքատ երկրների ֆուտբոլային ենթակառուցվածքների զարգացմանը:

«ՖԻՖԱ-ն ամեն տարի 250 հազարական դոլար է հատկացնում ազգային ֆեդերացիաներին,- Բին Համմամի խոսքերը մեջբերել է «Goal»-ը:- Կավելացվի նաև յուրաքանչյուր նպատակային ծրագրի ֆինանսավորումը` 400 հազար դոլարից հասնելով 1 միլիոնի: Կարծում եմ` սա նվազագույնն է, որը ես կարող եմ անել Աֆրիկայի համար: Կան նաև աջակցության շատ այլ ծրագրեր` մրցավարների, մարզիչների ուսուցում և այլն»:

Ավելացնենք, որ ՖԻՖԱ-ի նախագահի ընտրությունները կայանալու են հունիսի 1-ին, Ցյուրիխում: