HP-ն թողարկել է առաջին Wi-Fi մկնիկը

Ամերիկյան Hewlett-Packard (HP) ընկերությունը ներկայացրել է աշխարհում առաջին Wi-Fi կապով աշխատող մկնիկը` Wi-Fi Mobile Mouse-ը: Այն համակարգչին միանում է առանց USB-ի և միանում է համակարգչում տեղադրված Wi-Fi մոդուլով:
Այս մասին ասված է ընկերության պաշտոնական մամլո հաղորդագրությունում:

Համակարգչային նորույթը կարող է աշխատել համակարգչից 9 մ հեռավորության վրա, առանց լիցքավորման այն կարող է աշխատել 9 ամիս:
Wi-Fi Mobile Mouse-ը ԱՄՆ–ում վաճառքի կհանվի այս տարվա հունիսին և կարժենա մոտ $50։